Архангай аймгийн Батцэнгэл суманд шинийн 8-ны билэгт сайн өдөр улс, аймаг цэргийн цолтой 48 бөхийн барилдаан боллоо. Энэ үеэр  Батцэнгэл сумын дунд сургуулийн биеийн тамирын багш Батбаярын алдарыг тэмдэглэж, өсвөр, залуучууд, томчуудын гэсэн гурван ангилалаар барилдаан зохион байгуулсан агаад томчуудын барилдаанд нь Батцэнгэл сумын харъяат аймгийн арслан Х.Мэндбаяр түрүүлж, Завхан аймгийн харъяат, улсын шинэ залуу начин Б.Гончигдамба үзүүрлэв. Шөвгийн гуравт тус сумын биеийн тамирын багш, аймгийн начин Х.Дарханбаатар шалгарлаа.

Мөн энэ өдөр Архангай аймгийн Жаргалант суманд шинийн 8-нд зориулсан хүчит бөхийн барилдаан болж, тус сумын харъяат аймгийн начин С.Эрдэнэчулуун түрүүлж, аймгийн начин Б.Энх-Амгалан үзүүрлэлээ.