“Sweetymotion” хамтлагийнхан 15 жилийнхээ ойн хүрээнд энэ сарын 8-нд “Эрэгтэй одод ба Амплаггед” тоглолтыг хийх гэж байгаа. Тус хамтлаг энэ жил цуцалтгүй хөдөлмөрлөнө гэдгээ амлаад байгаа. 15 жил хамт байна гэдэг богино хугацаа биш тул тэд энэ жил урьд өмнөхөөсөө илүү хөдөлмөрлөж, үзэгч, сонсогч, фенүүддээ олон сайхан уран бүтээл, тоглолтыг өргөн барина хэмээн хэлж байгаа юм. 

Сонирхуулахад “Sweetymotion” гэдэг бол тэдний гурав дахь нэр гэнэ. Тэд анх хамтлагаа “Охид” нэртэйгээр байгуулж байжээ. Дөрөв дэх гишүүн нь дуучин С.Сэрчмаа байсан аж. Улмаар Т.Солонго дөрөв дэх гишүүн болсноор үндсэн бүрэлдэхүүн бий болжээ. Тэдний “Эмоушн” нэрийг Ардын жүжигчин Т.Цолмон гуай өгч байжээ. Харин тэд АНУ-д гурван гишүүнтэй болсныхоо дараагаас “Sweetymotion” хэмээн хамтлагаа нэрлэсэн юм.