Дуучин Женнифер Лопез залуу амраг Каспер Смартыг камерын хараанд өртүүлэхгүйн тулд “Оскар”-ын улаан хивсний ёслолд ганцаараа очсон ч шинэ амрагаа наадмын дараах үдэшлэгт дагуулан очиж, А зэрэглэлийн зочидтой танилцуулсан гэнэ. Женнифер Лопез ихрүүдийнхээ аав дуучин Марк Антонигоос салаад удаагүй байхдаа л өөрөөсөө 18 насаар дүү бүжигчин залуутай учир ургуулсан юм. “Оскар”-ын наадмын шагнал гардуулах ёслолын дараа Vanity Fair сэтгүүлийн тансаг үдэшлэгт шинэ амрагаа дагуулан очсон Женнифер Лопез реппер Puff Daddy-ээс утасны дуудлагад нь хариу өгөөгүйдээ уучлал гуйсан гэнэ. Женнифер Лопез дуучин Марк Антонитой гэрлэхээс өмнө реппер Puff Daddy, жүжигчин Бен Аффлек нартай учир ургуулж явжээ. Долоон жил хамтран амьдарч, хоёр ихэр хүүхэдтэй болсон Женнифер Лопез, Марк Антони нар гэрлэлтээ цуцлуулсан ч Латин Америкийн “Q’Viva!” реалити шоунд хамтран ажиллаж байгаа ажээ.