Талбайн теннисний ATP ангиллын тэмцээн Арабын нэгдсэн Эмиратын Дубай хотноо  энэ сарын 27-нд эхэлсэн билээ. “Dubai Duty Free Tennis Championships” тэмцээн нэг сая 700 мянган ам.долларын шагналын сантай бөгөөд түрүүлсэн тамирчин 400 мянган ам.доллар хүртэж, чансааны 500 оноо авах юм. Тэмцээнд дэлхийн топ 10 тамирчны найм нь оролцсон бөгөөд 1/8-д шилдэг наймаас долоо нь шалгараад байсан билээ. Өчигдөр хагас шигшээ тоглолт болж, финалд өрсөлдөх тамирчдын нэрс тодорлоо.

Их Британийн тэргүүн теннисчин Энди Муррей (4) Сербийн Новак Жоковичийг 6:2, 7:5-аар, Швейцарийн Рожер Федерер (3)  Аргентиний Хуан Мартин Дел Потрог (10)  7:6, 7:6-аар буулган авлаа. Их Британийн теннисчин Энди Муррей оны анхны "Их дуулга" болох "Австралийн нээлттэй тэмцээн"-ий хагас шигшээд Жоковичид хожигдож байсан байна.

 "Их дуулга"-ын 16 түрүүт Швейцарийн Рожер Федерер (3) тус тэмцээнд дөрвөн удаа түрүүлсэн бол "Их дуулга"-ын таван түрүүт Сербийн Новак Жокович (1) гурван удаа түрүүлж байсан байна.

Шигшээ тоглолт маргааш болно.

Гэрэл зургийг ЭНД дарж үзнэ үү.