Кубын хувьсгалын лидер хорт хавдрын мэс засал хийлгэсэн Венесуэлийн ерөнхийлөгч Уго Чавесийг эмнэлэгт нь эргэн очсон тухай баасан гаригт “Univision телеканал”  мэдээлжээ.

Венесуэлийн Мэдээлэл, холбооны сайд Андрес Исарра Twitter (@izarradeverdad)-тээ Кастро, Чавес нар хоёр цаг орчим уулзсан тухай бичжээ. Дараа нь тэдэн дээр Кубын Төрийн зөвлөлийн өнөөгийн тэргүүн Кастрогийн дүү Рауль иржээ. Сайдын Twitter-т тэд хоёр буйдан сандал дээр суугаад ярилцаж байгаа зураг тавигдсан байна. Чавесийн хэвтэж буй өрөөний хананд Венесуэлийн үндэсний баатар Симон Боливар ба Кубын үндэсний баатар Хосе Марти хоёрын зургийг өлгөсөн харагдаж байв. Кастрог эргэж очих үеэр Чавест Бразилийн ерөнхийлөгч Дилма Руссефф утасдсан байна. “Биеийн байдал сайн байна. Эдгэрэлт хурдан  байгаа. Явганаар зугаалах болсон” хэмээн Чавес ярьсныг Венесуэлийн төв телевиз өнгөрсөн пүрэв гаригт дамжуулсан юм.