Ираны ерөнхийлөгч Махмуд Ахмадинеджадын охин дүү Ираны парламентын сонгуульд ялагдсан тухай Associated Press мэдээлж байна. Парвин Ахмадинеджад Тегеранаас 60-аад км-ийн зайтай Гармсар хотын санал хураалтаар илүү консерватив нэр дэвшигчид ялагдсан байна. Сонгуулийн санал хураалтын урьдчилсан дүнгээр Ахмадинеджадын хамтран зүтгэгчид сонгуулийн олон тойргуудад ялагдал хүлээж байна.

Энэ сонгуулиар Ираны ерөнхийлөгч ба түүний эсрэг талынхны хоорондын тэмцэл ил гарч ирснээс хойш хүчний харьцаа ямар болсныг харууллаа гэж олон улсын шинжээчид дүгнэв. Ираны парламентын сонгуулийг гадаадын хэвлэл мэдээлэл өргөн мэдээлж байна. CNN телевизийн сурвалжлагч хүртэл сүүлийн гурван жилийн дотор Иранд анх удаагаа очжээ.

Гэрэл зургийн тайлбарыг хүргэвэл Иран эмэгтэйчүүд саналаа өгч байгаа нь.