Яаралтай түргэн тусламжийн төвийн 103 дугаарт өчигдөр буюу гуравдугаар сарын 2-нд 564 дуудлага иржээ. Үүнд төрөхийн 28, осол гэмтлийн 46, үлдсэн нь бусад дуудлагууд байжээ. Харин өнөөдөр өглөө 09.00 цагт ээлж солигдсоноос хойш одоогийн байдлаар нийт 70 гаруй дуудлага ирээд байгаа бөгөөд  амралтын өдөр гэхэд ачаалал ихтэй ажиллаж буй тухай тус төвийн мэргэжилтэн хэллээ. Яаралтай түргэн тусламжийн 103 төв өнөөдөр түргэний 27 машин, 27 эмчтэйгээр иргэдэд үйлчилж байна.