Нийслэлийн Засаг даргын орлогч Б.Баатарзориг Эрээн хотноо ажлын айлчлал хийжээ. Тус айлчлалын үеэр нийслэлийн Өмчийн харилцааны газрын Төр, хувийн хэвшлийн түншлэл концессын хэлтсийн дарга С.Мөнхчулуун гуравдугаар сарын 23-нд Улаанбаатар хотноо болох Олон улсын хөрөнгө оруулагчдын чуулга уулзалтаар хэлэлцэх төслүүдийн талаар Эрээн хотын бизнесмэнүүдэд мэдээлэл хийжээ. Энэхүү чуулга уулзалтад Эрээн хотын дарга тэргүүтэй тус хотын болон ӨМӨЗО-ны 30 гаруй компаниуд оролцохоор бэлтгэж байгаа гэдгийг энэ үеэр мэдэгджээ.