Монголын морин спорт, уяач­дын холбооны төвийн бүсийн хав­рын хурдан морины уралдаан “Дүн­жин­гарав” маргааш Төв аймгийн Зуун­модод болно.

“Дүнжингарав-2012” дөрвөн насны ангилалд болох бөгөөд эрлийз морьдын дээд нас болон азарга, соёолон тус бүр 16, их нас 18 км замд хурд сорих аж. Уралдах морьдыг өнөөдөр ММСУХ-ны байр, Төв аймгийн Хүнс хөдөө аж ахуйн газарт 30 мянган төгрөгөөр бүртгэх юм. Морь унаач хүүхдүүдийг “Соёмбо” даатгалын компанид даатгуулах бөгөөд үүнийг ММСУХ 100 хувь хариуцах аж.

“Дүнжингарав-2012”-ын зохион байгуулагчид хурдан морины уралдаан үзэхээр ирсэн хүмүүсийн тав тухтай байдалд ихэд анхаарч буй. Барианы газар чанга яригч байрлуулж, гар утасны сүлжээг хангаж ажиллуулах тал дээр санаа тавьжээ. Хурдан морь эргүүлэх гарааны төхөөрөмжийн өргөн нь 150 метр. Ингэснээрээ морьд нэг эгнээнд зогсч гараанаас гарч уралдана. Их насны морины гараанаас найм, азарга, соёолон, эрлийз морьдын дээд насны гараанаас зургаан км газрын цасыг 150 метрийн өргөнтөйгөөр хусч, замаа янзалсан байна.
 
Сонирхуулахад ММСУХ, Монгол Улсын Засгийн газрын хэрэгжүүлэгч агентлаг Хүүхдийн төлөө газар хамтран түрүүлж, айрагдсан морьдын унаач 20 хүүхдийг олон улсын хүүхдийн “Найрамдал” зусланд амраах эрхийн бичгээр шагнаж урамшуулах болжээ.

“ДҮНЖИНГАРАВ-2012”-ЫН ХӨТӨЛБӨР:

07:00-07:30 Лам нар ном хурна
07:00-08:00 Эрлийз морьдын дээд нас мордоно
09:30 Эрлийз морьдын дээд нас барианд орно
10:00 Азарга мордоно
11:30 Азарга барианд орно
12:00 Нээлтийн ажиллагаа
12:00 Их насны морь мордоно
14:00 Их насны морь барианд орно
14:30 Соёолон морь мордоно
16:00 Соёолон морь барианд орно
16:30 Хаалтын ажиллагаа