Төрийн албаны зөвлөлийн өчигдрийн хурлаар Батлан хамгаалах яамны Төрийн нарийн бичгийн дарга, Төрийн өмчийн хорооны дарга нарын нэрсийг тодруулна гэх мэдээлэл байсан. Тус зөвлөл өнгөрсөн сар дээрх албан тушаалд томилогдох хүсэлтэй хүмүүсийн дунд сонгон шалгаруулалт зарласан. Улмаар сонгон шалгаруулалтын дүнг өчигдөр танилцуулж, ямар хүмүүс дээрх албан тушаалд томилогдох эсэх нь тодорхой болох байсан юм.

Төрийн өмчийн хорооны шинэ даргаар Б.Заяабалыг, Батлан хамгаалах яамны Төрийн нарийн бичгийн даргаар Ц.Тогоог томилохоор болсон гэх мэдээлэл хэвлэлээр цацагдсан.

Энэ талаар Төрийн албаны зөвлөлийн дарга Д.Зүмбэрэллхамаас тодрууллаа.  

-Төрийн өмчийн хорооны дар­гаар Б.Заяабалыг томилохоор бол­сон гэсэн. Энэ үнэн үү?

-Энэ мэдээлэл худлаа. Тэрбээр сонгон шалгаруулалтад нэрээ бүртгүүлээгүй. Энэ мэдээлэл хаанаас гарсан эсэхийг сайн хэлж мэдэхгүй байна. Ямартай ч худлаа мэдээлэл гэж ойлгож болно.

-Батлан хамгаалах яамны Төрийн нарийн бичгийн даргаар Ц.Тогтоог томилохоор болсон гэсэн?

-Энэ талаар мэдээлэл алга. Ойрын өдрүүдэд нэрс тодорхой болно.