Алтангэрэл судрын ном айлдах ёслол маргааш 10.00 цагт Монголын Үндэсний циркэд болох гэж байна. Номын ёслолд Гандантэгчинлэн хийдийн их хамба, гавж Д.Чойжамц, Шунлайв гавж С.Гантөмөр нар бурханы сургаал, судрын тус эрдмийн талаар айлдах ажээ. Номын хуралд очихдоо тавгийн идээ, даллагын ууттай очих хэрэгтэй гэнэ. Хурлын билет нь 3000 төгрөгийн үнэтэй бөгөөд АСА цирк болон Гандантэгчинлэн хийдийн билетийн кассаар зарагдаж байна.

Алтангэрэл судрын 4 бүлэгт Үзэсгэлэнгийн охь гэдэг Бодьсадваагийн тухай гардаг юм. Тэр Бодьсадваагийн зүүдэнд нэг өдөр Алтан хэнгэрэг зүүдлэгдэсэн бөгөөд тэр  хэнгэргийг нэг санваартан цохиход алтан гэрэл цацарч тэр гэрлээс номын дуу гарсан байна. Тэгээд энэ зүүдээ Бурхан багшид айлтгахад, Бурхан багш хариуд нь энэ судрыг номлоод Алтангэрэл хэмээн нэрлэжээ.