Мини хар даашинз, богино цагаан шуба, “LV” брэндийн гар цүнх барьсан өндөр гуалиг, дэгжин бүсгүй олны анхаарлыг татав. Түүнийг харсан жүжигчин М.Баярмагнай ухасхийн очиж, гараас нь хөтлөн олны өмнө хамт зургаа татууллаа. Энэ дэгжин бүсгүй бол “Маск” продакшны жүжигчин М.Баярмагнайн үзэсгэлэнт гэргий. Тэрбээр нөхрийнхөө гол дүрд нь тоглосон “Бурхан өршөөг” эмгэнэлт, инээдмийн киноны нээлтийн үеэр ийнхүү хүрэлцэн ирж, сэтгүүлчид, гэрэл зурагчдын хараанд өртөж орхих нь тэр.

Харин энэ өдөр жүжигчин залуу сар шинийн баяраар гардаж авсан Алтангадас одон, үзэсгэлэнт гэргийгээрээ гангарч, “Би бүх хүчээ дайчилсан” хэмээн хэвлэлийнхэнд яриа өгч зогсоно лээ.