Засгийн Газрын тохируулагч агентлаг Стандартчилал, хэмжил зүйн газраас Чанарын удирдлагын тогтолцоо буюу /MNS ISO 9001:2010/ олон улсын стандартын гэрчилгээг аж ахуйн нэгж байгууллагуудад олгов. Энэ нь Үндэсний чанарын тэмдэг хэрэглэх эрх авсан үйл хэрэг ажээ. Энэхүү гэрчилгээг “Санко соолар Монгол” ХХК,  “Хатанбаатар” ХХК, “Монмаг” ХХК-д тус тус гурван жилийн хугацаатай шинээр олгосон бол “АПУ” ХХК үйл ажиллагаандаа MNS ISO 9001:2010 чанарыг тогтвортой хангаж буйг батламжилж гэрчилгээний хугацааг гурван жилээр сунгасан байна. Түүнчлэн “Трансинконсулт” ХХК-ийн үйлдвэрлэж буй “Chinggis”(silver), “Гэрэгэ” нэрийн бүтээгдэхүүнүүдэд “Үндэсний чанарын тэмдэг” хэрэглэх эрхийн гэрчилгээг гурван жилийн хугацаатай шинээр олгосон тухай Стандартчилал, хэмжил зүйн газраас мэдээлж байна.