УИХ-ын Аюулгүй байдал, гадаад бодлогын байнгын хорооны дарга Э.Мөнх-Очирын сэтгүүлчдэд өнөөдөр өгсөн мэдээллээр Батлан хамгаалахын сайд Ж.Энхбаярыг огцруулах талаар гишүүн Э.Бат-Үүл, Р.Гончигдорж нарын УИХ-ын  даргад өргөн барьсан саналыг өнөөдөр Аюулгүй байдал, гадаад бодлогын байнгын хороонд шилжүүлэн ирүүлжээ.

Уг асуудлыг УИХ-ын ээлжит бус чуулганаар бус хаврын чуулганы эхэнд хэлэлцэх төлөвтэй байгааг байнгын хорооны дарга хэллээ.