Өнөөдрийн бидний хэрэглэж буй FACEBOOK хэмээх олон нийтийг хамарсан
сүлжээ нь бидний мэдээллийг бусдад харуулахгүй нөхцөлтэйгээр, анкет
маягаар бөглүүлж авдаг ч тэдгээр мэдээллүүдээ Америкийн тагнуулын албанд
нийлүүлдэг байж болох талаар манай улсын тангуулын албаны зарим нэг
хүмүүс дурджээ. Тэд Монголын төр захиргааны байгууллагын ажилчид болон
Монголын чухал гэгдэх салбарын ажилчдыг FACEBOOK-д болгоомжтой хандахыг
анхааруулсан байх юм. Учир нь эдгээр хүмүүсийн мэдээллийг гадаадын ямар
нэгэн улсын тангуулын албанд өндөр үнээр худалдахгүй гэх аргаггүй бөгөөд
энэ нь манайхны ажилчдад бүр цаашлаад улс орны байдалд ч сөргөөр
нөлөөлөх магадлалтай гэжээ. Заавал улс орны хувь заяатай холбогдох чухал
албаны хүмүүс гэлтгүй жирийн иргэд ч FACEBOOK-д болгоомжтой хандаж
бөглөхийг хүссэн талбарт болгонд өөрийн түүх намтар, мэдээллээ
оруулахгүй байх нь зүйтэй мэт. Өнөөдөр бидний төдийлөн анзаардаггүй
зүйлүүд эргээд бидэнд хор хөнөөл тарих магадлалтай болоод байна. Тэр
тусмаа мэдээллийн чанартай зүйлүүдэд тун болгоомжтой хандах цаг болжээ.