The Monkees хамтлагийн дуучин Дэви Жонс 66 настайдаа зүрхний өвчний улмаас нас барлаа. Тэрээр, АНУ-ын Флорида муж дахь нэгэн эмнэлэгт өнгөрсөн тухай Agence France-Presse мэдээлж байна.

Дэви Жонсын Facebook дэхь хуудсанд бичсэнээр бол, британийн Манчестерт төрсөн дуучин The Monkees-тай 1966 онд нэгджээ. Жонс дэндүү алдартай байсан учраас британийн өөр нэгэн цуутай хөгжмийн зүтгэлтэн Дэвид Роберт Жонс бээр нэрээ Дэвид Боуи гэж солихдоо тулж байсан удаатай.

The Monkees хамтлаг The Beatles-ийн нэр алдар оргилдоо хүрэх үед үүсч байгуулагдаж байсан юм. Хамтлаг хэд хэдэн удаа бутарч байсан ч эцсийн эцэст эргэж нэгдсэн байна. Ингэхдээ Дэви Жонс хамгийн анх 1970 онд хамтлагаасаа гарч байсан бөгөөд бусадтай нэгдэхийн зэрэгцээ ганцаарчилсан уран бүтээл хийж иржээ. Жонс мөн шүлэг, өгүүллэг бичиж гэрэл зураг сонирхож байжээ.

2011 онд The Monkees-ийнхэн үйл ажиллагаагаа сэргээсэн ч хамтлагийн 45 жилийн ойд зориулсан аялан тоглолтынхоо төгсгөл хэсгийг цуцалж байсан билээ.

“I"m a Believer” синглээрээ нэн алдаршсан The Monkees хамтлаг 11 студийн цомог гаргаснаас 4 нь америкийн чартыг тэргүүлж байсан билээ.

Эх сурвалж: AFP