“Шинэ бүтээн байгуулалт” дунд хугацааны зорилтот хөтөлбөрийн хүрээнд 2016 он хүртэл хуучин барилгыг буулгаж, шинэчлэн барих орон сууцны төлөвлөгөө гарчээ. Ингэхдээ Хан-Уул дүүргийн 19 дүгээр хороолол, Нарны зам дагуух барилгууд, Дунд гол орчмын хороолол болон Чингэлтэй, Сүхбаатар дүүргийн хорооллуудыг нэгтгэн 27,450 хүн амтай гэж үзээд 6100 айлын орон сууц барихаар төлөвлөсөн тухай Нийслэлийн Барилга хот байгуулалт, төлөвлөлтийн газраас мэдээлж байна.