МҮОНТ-ийн “Хит” хөгжмийн нэвтрүүлгийн хөтлөгч Д.Даваанямыг насанд хүрээгүй охин хүчирхийлсэн хэрэгт холбогдсон тухай зарим хэвлэлд мэдээлжээ. Мэдээллийн талаар Цагдаагийн ерөнхий газрын албаны хүмүүсээс тодруулахад, “Энэ хэргийн тухай мэдээллийг маргааш өгөх боломжтой” гэлээ.

Зарим сонин, сайтад “Хөтлөгч Д.Давааням 15 настай У болон түүний найзыг өөрийнх нь гэрээс 40 сая төгрөгийн үнэ бүхий үнэртэй ус, гоо сайхны хэрэглэл хулгайлсан хэмээн цагдаагийн байгууллагад гомдол гаргасан байна. Гэтэл сэжигтнээр шалгагдаж эхэлсэн 15 настай У гэгч эмэгтэй цагдаагийн байгууллагад мэдүүлэг өгөхдөө “Хөтлөгч Д.Давааням “Дуучин болгоно” гэж хуурсан. Биднийг согтоож, биеэ хянах чадваргүй болсны дараа бэлгийн дур хүслээ хангадаг байсан” хэмээн мэдүүлсэн” тухай бичсэн байгаа.

 Ямартай ч цагдаагийн байгууллагын зүгээс маргааш энэ хэргийн талаар толорхой мэдээлэл өгөх бололтой.