“Нүүдэлчдийн баяр-2012” хөтөлбөрийн хаалтын ажиллагаа буюу “Тэмээний парад” гуравдугаар сарын 6-8-ны хооронд зохиогдох “Тэмээний баяр”-ын үеэр Өмнөговь аймгийн Булган сумын төвд явагдах ажээ.

Энэ үйл ажиллагаагаар энэ жилийн өвлийн наадмын үйл ажиллагаа өндөрлөх ажээ. Дэлхийд ховордсон хоёр бөхт тэмээг монголын говьд үзэх гэж жуулчид ихээр ирэх болсон билээ. Тэр дундаа уг наадмыг зорин ирэх жуулчдын тоо жилээс жилд өсөж байгаа хэмээн зохион байгуулагч нар үзэж байгаа гэнэ.