БОАЖ-ын сайд Д.Цогтбаатар, Улаанбаатар хотын Ерөнхий менежер Ч.Бат
болон холбогдох мэргэжилтнүүд өнөөдөр Нарангийн энгэрийн төвлөрсөн
хогийн цэгийн үйл ажиллагаатай танилцана.

Нийслэлийн зургаан дүүргээс өдөрт 1000-1200 тонн хог хаягдал гардаг.
Түүнээс таван дүүргийн хогийг Нарангийн энгэр рүү ачуулдаг байна. Харин
Хан-Уул дүүргийн хогийг Морингийн давааны ойролцоох хогийн цэгт хаядаг
юм.

Тэгвэл энэ жил Баянзүрх дүүргийн 24 дүгээр хорооны нутагт төвлөрсөн
хогийн цэг шинээр байгуулах тухай Нийслэлийн Засаг даргын шийдвэр
гарсан. Энэ дагуу нийслэлийн Газрын албанаас газар эзэмших захирамж нь
гарсан байна. Хогийн шинэ цэг 14.6 га талбайг хамрах юм байна. Хогийн
цэгийг байгуулахад шаардлагатай 500 орчим сая төгрөгийг төсөвт суулгасан
ажээ.