Хөгжим бүжгийн коллежийн урдхан талд таван давхар шилэн барилга сүндэрлэх болсон. Тус барилга нь Хөгжим бүжгийн коллежийн хичээлийн шинэ байр юм. Энэхүү өргөтгөлийн таван давхар байр нь бүжгийн хоёроос гурван заалтай, концертын нэг заалтай, В давхартаа давтлагийн өрөөнүүдтэй байх юм.

Тус өргөтгөлийг өнгөрсөн зун ашиглалтад орно хэмээн ярьж байсан ч, тодорхой шалтгааны улмаас хойшилсоор 2012 онтой золгожээ. Одоогоор улсын комисс хүлээж авах хуралдаанаа хараахан хийж амжаагүйгээс өргөтлөгийн нээлт хойшилж байгаа гэнэ. Тус сургуулийн удирдлага болон гүйцэтгэж байгаа барилгын компаниас төлөвлөсөн бүх зүйлээ хийж дуусгаад байгаа юм байна.