Өнөөдөр товлогдоод байсан ЦЕГ-ын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын даргын үүрэг гүйцэтгэгч асан Д.Зоригт, Хэв журмын хэлтсийн дарга асан, хурандаа Ш.Батсүх нарыг шүүх хурлыг хоёр өмгөөлөгч ирээгүй гэсэн шалтгаанаар гуравдугаар сарын 14-нийг хүртэл хойшлууллаа. Хурал хойшлуулахын өмнө дотор байсан өмгөөлөгч, бусад хүмүүсийн хооронд хаалттай яриа болжээ.

Шүүх хуралдааны танхим дотроос гарч ирсэн хүмүүсийн хоорондоо ярилцаж байснаас үзвэл гуравдугаар сарын 14 хүртэл хойшлуулсан хуралд гэрчүүдийг оролцуулах саналыг цагдаагийн ажилтнуудын өмгөөлөгч нар гаргасан бололтой. Долдугаар сарын 1-ний үймээний үеэр Ерөнхий сайд байсан С.Баяр, Хууль зүй, дотоод хэргийн сайд, ажлын хэсгийн дарга асан Ц.Мөнх-Оргил зэрэг хүмүүсийг дараагийн хуралд гэрчээр дуудах талаар танхимд яригдсан бололтой байна.