Нийтийн тээврийн үйлчилгээнд явж байсан “Бат цэгц” компанийн УБН-0610 улсын дугаартай том орвын автобус өчигдөр өглөө шатжээ. Зорчигчдын хэлснээр бол автобусны тоормоз нь барихгүй байснаас жолооч түүнийг гэсгээх зорилгоор газ хэрэглэж байгаад гал алдсан гэж буй юм. Энэ хэрэг нийслэлийн Баянгол дүүргийн долдугаар хороо, Гэмтэл согог судлалын үндэсний төвийн орчимд өглөө 08.20 цагийн орчимд болжээ.

Автобусанд гал авалцаж эхлэхэд Нийслэлийн Онцгой байдлын алба руу утасдаж дуудлага өгснөөр Гал унтраах 10 дугаар ангийнхан яаралтай ирж, аюулгүй болгосон юм байна. Золоор зорчигч бэртэж гэмтээгүй гэнэ.