Нигерид ажилладаг нефтийн компаниуд хулгайн улмаас өдөр 150 мянган баррель нефть алдаж байгаа тухай “Shell Exploration and Production Africa” компанийн дэд ерөнхийлөгч Иан Крейг мэдэгджээ. “Сүүлийн үед Нигер мөрний цутгалан дээр дээрэмчдийн ажиллагаа буурсан ч нефтийн хулгай нэмэгдлээ. Хулгайн хэрэг том бизнес болж, янз бүрийн гэмт хэргийн бүлэг, авлигатай холбоотойгоор энэ далд бизнес идэвхтэй хөгжиж, хулгайн нефтийг Нигерийн хар зах болон хөрш орнуудад нь оруулан  худалдаж байна” гэж Крейг хэлжээ.

Нигер мөрний цутгаланг чөлөөлөх хөдөлгөөний босогчид 2000 оны эхэн үед нефтийн байгууламжийн ажилтнуудыг чөлөөлөх эсвэл хорлон сүйтгэх ажиллагаа ихээхэн хийж байлаа. Тус орны Засгийн газраас явуулсан өршөөлийн ажиллагаа нь зэвсэгт сөргөлдөөний цар хүрээг бууруулсан байна.

Нигерид өдөртөө 2,18 сая баррель нефть олборлодог бөгөөд нефтийн аж үйлдвэрээс тус орны орлогын гуравны нэг хувь орж ирдэг ажээ. Мөн экспортынх нь 90 хувь нь нефть болдог. Тэнд Royal Dutch Shell, ExxonMobil ба Chevron зэрэг гадаадын том компаниудтай нийлсэн хамтарсан үйлдвэрүүд олон байдаг билээ.