Сар шинийн баяртай холбогдуулан Нийслэлийн Онцгой байдлын газар нь битүүний өдөр буюу энэ сарын 21-нээс эхлэн өндөржүүлсэн бэлэн байдалд шилжсэн юм. Өндөржүүлсэн бэлэн байдал гурав дахь өдрөө үргэлжилж байна. Бид тус газрын жижүүртэй холбогдоход “Одоогоор иргэд болон байгууллага, аж ахуй нэгжүүдээс ямар нэг дуудлага ирээгүй. Нийслэлийн хэмжээнд тайван байна” гэсэн мэдээллийг өглөө.

Нийслэлийн Онцгой байдлын газрын албан хаагчид энэ сарын 27-ний 09.00 цаг хүртэл өндөржүүлсэн бэлэн байдалд ажиллах аж. Дашрамд сануулахад, тус газраас иргэдэд хандан баярын өдрүүдэд золгуутаар явахдаа цахилгаан хэрэгсэл, яндан зуухны аюулгүй ажиллагааг хангаж, хэвийн эсэхийг нь сайтар шалгаж, бага насны хүүхдийг харгалзах хүнгүйгээр орхихгүй байхыг онцгойлон анхаарууллаа.