Амьтны фермээс нядлагад оруулах гэж байсан 160 молтогчин туулайг Буриадын буддын хийдийн санваартнууд аварчээ. “Рэнбүүчи багш” гэдэг Буриадын буддистуудын их сургуулийн дацангийн сайтад өгүүлснээр уг дацанг үндэслэгч Ело рэнбүүчи молтогчин туулайг худалдаж авахыг шавь нартаа даалгасан байна.

Туулай жилийн сүүлчээр ферм дампуурсан учир туулайг нядалгаанд худалдахаар болсон байжээ. Багшийн даалгавраар ирсэн шавь нар нь фермд очиж, туулай тэжээх гурван сарын үнэ хөлсийг нь өгсөн байна. Тэгээд тавдугаар сарын эхээр тэднийг дацанд авчрах ба тэжээхийг хүссэн хүмүүст өгөх гэнэ.