Нийслэлийн онцгой байдлын газрын 105 шуурхай дугаарт өнгөрсөн шөнө найман дуудлага иржээ. Үүнд, гал түймрийн буюу ахуйн жижиг гал, хогын цэг шатсан гурван дуудлага, зөрчлийн гурав, нүхэнд хүн унасан байна гэсэн дуудлага болон цогцос гаргах нэг дуудлага ирсний дагуу цаг алдалгүй очиж, ажилласан байна. Сар шинийн баярын өдрүүдэд нийслэлийн онцгой байдлын газар өндөржүүлсэн бэлэн байдалд ажиллаж байгаа юм.

Өнөөдөр өглөөний байдлаар буюу 09.00 цагт ээлж солигдсоноос хойш 105-д зам тээврийн ослын нэг дуудлага ирсэн байна. Нийслэлийн онцгой байдлын газраас баярын өдрүүдэд иргэдийг цахилгаантай болгоомжтой харьцахыг анхаарууллаа. Мөн баяраар иргэд согтууруулах ундааг хэтрүүлэн хэрэглэж, биеэ хянах чадваргүй болсноос болж эд эрхтэнээ хөлдөөх, цаашлаад амь насаа алдах аюултай тул иргэдийг согтууруулах ундааг зохистой хэрэглэхийг анхааруулж байна.