Аварга С.Мөнхбат түрүүллээ

Баясгалан хэмээх усан луу жилийн сар шинийн баярт зориулсан улс, аймгийн алдар цолтой хүчит 256 бөхийн барилдааны наймын даваа өндөрлөж, түрүү бөх тодорлоо. Даян аварга Г.Өсөхбаяр, аварга С.Мөнхбат нарын тэргүүтэй хүчтэнүүд зодоглосон өнөөдрийн барилдаан нэгийн даваанаас эхлээд үзэгчдийг уулга алдуулсан, сонирхолтой барилдаанаар дүүрэн байлаа. Нөгөөтэйгүүр өнөө жилийн сар шинийн барилдаан том цолтой бөхчүүдэд халгаатай тулаан болов. Тухайлбал, өнөөдрийн барилдаанд дээгүүр барилдах итгэл хүлээлгэж байсан улсын арслан Д.Ганхуяг хоёрын даваанд өвдөг шороодсон бол даян аварга Г.Өсөхбаяр, улсын арслан Д.Азжаргал, Б.Ганбат, Г.Эрхэмбаяр,
улсын заан Д.Рагчаа, Ч.Санжаадамба, улсын харцага А.Бямбажав нарын бөхчүүд дөрвийн даваанд өвдөг шороодож, барилдааныг орхисон юм.

Ингээд Баясгалант хэмээх усан луу жилийн сар шинийн барилдаанд Увс аймгийн Баруунтуруун сумын харьяат, "Монголросцветмет" компанийн бөх, улсын аварга С.Мөнхбат түрүүлж, Хөвсгөл аймгийн Шинэ-Идэр сумын харьяат, "Энержи ресурс" компанийн бөх, улсын арслан Х.Мөнхбаатар үзүүрлэн, улсын харцага Ц.Содномдорж, улсын начин Б.Сангисүрэн нар шөвгөрлөө.

ТАВЫН ДАВАА:

1. С.Мөнхбат /у.ав/ – Б.Чинзориг /у.н/

2. Х.Мөнхбаатар /у.ар/ – Б.Амарзаяа /а.а/

3. Н.Ганбаатар /у.г/ – Ц.Мягмарсүрэн /у.з/

4. Ж.Бат-Эрдэнэ /у.г/ – Б.Батмөнх /у.н/

5. М.Өсөхбаяр /у.з/ – П.Бүрэнтөгс /а.а/

6. Б.Соронзонболд /у.з/ – Б.Сангисүрэн /у.н/

7. Ө.Даваабаатар /у.х/ – Ж.Чулуунбат /у.н/

8. Ц.Содномдорж /у.х/ – Б.Пүрэвсайхан /а.а/

ЗУРГААГИЙН ДАВАА:

1. С.Мөнхбат /у.ав/ – Ц.Мягмарсүрэн /у.з/

2. Х.Мөнхбаатар /у.ар/ – Б.Батмөнх /у.н/

3. М.Өсөхбаяр /у.з/ – Б.Сангисүрэн /у.н/

4. Ө.Даваабаатар /у.х/ – Ц.Содномдорж /у.х/