Билгийн тооллын XVII жарны Баясгалан хэмээх усан луу жилийн сар шинийн баярт зориулсан улс, аймгийн алдар цолтой 256 бөхийн барилдаан "Бөхийн өргөө"-нд болж байна. Эрэмбэ, чансаагаараа улсын баяр наадмын дараа бичигддэг цагаан сарын барилдаанд даян аварга Г.Өсөхбаяр, залуу аварга С.Мөнхбат, улсын арслан Г.Эрхэмбаяр нарын тэргүүтэй хүчтэнүүд зодоглож байна. Хүчит бөхийн барилдааны хоёрын даваа энэ цаг мөчид эхлээд байна. Хоёрын давааны эхэнд аварга С.Мөнхбат хамгийн түрүүнд даваагаа ахиулсан бол энэ барилдаанд шөвгөрөх магадлалтай бөхчүүдийн нэг, улсын арслан До.Ганхуяг аймгийн начин н.Ерөөлтөд өвдөг шороодлоо.

Т.Маша