Жил бүр Цагаан сараар тоглолт хийж, фенүүдтэйгээ уулздаг “Ice Top” хамтлагийнхан энэ жил уламжлалаа эвдэхээр шийджээ. Өнгөрсөн жилийн сар шинийн баяраар “UB Palace”-ын концертын их танхимд 15 жилийн ойн баяраа хийж, хип хопчдын цугларалт, нэгдсэн баяр хийсэн тэд шинэ уран бүтээл гээд завгүй яваа гэнэ. Тиймдээ ч энэ жил тоглолт хийхээс татгалзахаар шийдсэн аж.

Дашрамд дуулгахад, “Ice Top” хамтлагийн дуучин Хаагий СУИС-ийн эстрадын дуулаачийн ангийн оюутан Т.Цогсогмаатай хамтран “Хайртай бол хартай” романтик, инээдмийн киноны дууг хамтран дуулж, клипжүүлжээ. Киноны тухайд өчигдрөөс эхлэн “Тэнгис”, “Өргөө” кино театрын дэлгэцнээ гарч эхэлсэн юм.

“Хайртай бол хартай” дууны клипийг ЭНД дарж үзнэ үү.