Багш нар сар шинийн баярын өмнө нэмэгдэл цалингаа авна хэмээн найдаж байсан ч энэ асуудал одоог болтол шийдэгдээгүй тул баярын дараа тэмцлээ үргэлжлүүлэхээр болжээ. Өчигдөр БСШУ-ны үйлдвэрчний эвлэлээс “Сар шинийн баярын дараа хуралдаж, ажил хаялт, жагсаал цуглааны аль нэгийг сонгон тэмцлээ үргэлжлүүлнэ” хэмээн мэдэгдээд байна.

Багш нарын цалинг энэ хоёрдугаар сарын 1-нээс нэмнэ хэмээсэн ч төсөвийн тодотголын хэлэлцүүлэг удааширсантай холбоотойгоор товлосон хугацаандаа шийдэгдэж амжаагүй байгаа юм.