Холливуудын “Алтан охин” нэрээ “Шоучин охин” хэмээх таагүй нэрээр сольсон жүжигчин Линдсей Лохан энэ оныг сэргэн мандалтын он болгоно хэмээн амлаад буй. Түүний шинэ жилийн ажлын эхлэл нь Saturday Night Live шоу байх гэнэ. Тэрбээр ирэх сарын 3-наас уг шоуны хөтлөгчөөр ажиллах болжээ.

Линдсей Лохан Монрогийн дүрд хувирч, Playboy сэтгүүлийн хуудсыг чимснээр тус сэтгүүлийн борлуулалт хэдэн саяар өссөн амжилт дагуулсан. Үүгээрээ хэдий муу охин ч хэрвээ хүсвэл амжилт гарт нь байгааг баталсан хэмээн шүүмжлэгчид дүгнээд байгаа юм. Тиймээс Saturday Night Live шоуны үзэгчийн тоо, нэр хүндийг өсгөж чадвал цаашдын карьер нь дардан болох гэнэ.