2012 онд сургууль, цэцэрлэгийн хүртээмжийг сайжруулахын тулд улсын төсвөөс 40 гаруй цэцэрлэг барих зардлыг шийдсэн бол Дэлхийн банкнаас 40 цэцэрлэг барих, Японы Засгийн газраас ирэх буцалтгүй тусламжаар нийслэлийн 7 сургуульд өргөтгөл хийх ажлыг тус тус төлөвлөжээ. Гэсэн хэдий боловч энэ хөрөнгө оруулалтууд төдийлөн хангалтгүй байгаа тухай БСШУЯ-наас мэдээлж байна. Нэн хэрэгцээтэй байгаа цэцэрлэг, сургуулиудын барилгуудыг барихын тулд 800 гаруй тэрбум төгрөгийн хөрөнгө шаардлагатай байгаа гэнэ. Нэгэнт зардлын асуудал дутагдалтай байгаа тул яамны зүгээс УИХ-ын хаврын чуулганд тогтоолын төсөл өргөн барих төлөвлөгөөтэй байгаа ажээ.