Кембрижийн боловсролыг монголд нэвтрүүлэх их үйлсийн нэг томоохон ажил болох багш нарт энэхүү боловсролыг олгох гэдгийг албаныхан онцолж байна. Тэгвэл улс орон даяар дэлхийн жишгийг хэрэгжүүлж буй 30 лаборатори сургууль үйл ажиллагаагаа явуулж байгаа гэнэ. Энэ хүрээнд МУБИС-д багш нарыг Кембрижийн боловсролоор бэлтгэх ажил эхэлсэн байна. Харин сургалтын нэгдсэн хөтөлбөрийн тухайд гуравдугаар сард Кембрижийн мэргэжилтнүүдийн баг ирж, санал зөвлөмжийн асуудлуудыг шийдэх ажээ. Одоогийн байдлаар МУБИС-ийн зүгээс шалтгаалах сургалтын хөтөлбөрийн шинэчлэлт, судалгааны баг бүрдэн, ажиллаж байгаа юм байна.