Нийслэлд үйл ажиллагаа явуулж байгаа баар цэнгээний газрууд хоёрдугаар сарын 22–нд буюу шинийн нэгэнд амраад, 23-нд 10.00– 14.00 цаг хүртэл ажиллах юм байна. Харин энэ сарын 24–нөөс эхлэн ердийн цагийн хуваарьт шилжинэ.

Түүнчлэн нийтийн үйлчилгээтэй ресторан, кафе, цайны газар, түргэн хоолны газрууд хоёрдугаар сарын  20, 21-нд  бүтэн ажиллаж, 22–нд амраад, 23–наас  эхлэн ердийн цагийн хуваарийн дагуу ажиллах юм байна. Мөн үйлдвэр, албан байгууллагын дэргэдэх хоолны газрууд тухайн байгууллагынхаа  ажиллах цагийн хуваарийг дагаж мөрдөн ажиллахаар болжээ.