Мэдээллийн “Ньюс” агентлагийн “Блиц-100” төслийн анхны дугаартаа Ерөнхийлөгч Ц.Элбэгдоржийг урьсан билээ. Манай уншигчид энэхүү төслийн үйл ажиллагаанд маш идэвхитэй оролцлоо. Тодруулбал, Ерөнхийлөгчийн хийж хэрэгжүүлж байгаа бодлого үйл ажиллагаатай холбоотой, улс эх орны хөгжил дэвшил, нийгэм эдийн засгийн байдал, цаг үеийн халуун сэдвүүд, шуугиантай сенсаацтай асуудлууд, хувийн амьдрал  зэрэг сэдвээр долоо хоногийн дотор 1340 асуулт ирүүлсэн.

Бид энэхүү асуултуудаас  10 хувийг буюу  сугалаанд таарсан 134 асуултыг шодож Ерөнхийлөгчид телевизийн камерын өмнө шууд тавьж, хариулт авсан болно.

Арван үгэнд багтаасан асуултад арван үгэнд багтааж хариулсан, жинхэнэ “ардчилсан” дүрмээр болсон блиц ярилцлагыг “EAGLE NEWS” телевиз өнөөдөр 21.30 цагаас, “Боловсрол суваг” телевиз 22.00 цагаас тус тус үзүүлэх гэж байна. Мөн маргаашнаас эхлэн “News” вэб сайт ярилцлагыг бүрэн эхээр нь нийтлэх болно.