Ногоон зүлэггүй нийслэл хотоороо гайхуулцгаая | News.MN

Ногоон зүлэггүй нийслэл хотоороо гайхуулцгаая

Хуучирсан мэдээ: 2012.02.20-нд нийтлэгдсэн

Ногоон зүлэггүй нийслэл хотоороо гайхуулцгаая

Нэг удаа “Central Tower”-ийн урдах ногоон зүлэгтэй талбай дээр нэгэн америк эр хэв­тэж байхтай хүмүүс таарч гэнэ. Тэгээд бүгд сандарч цагдаа дууд­сан байна. Дүрэмт хувцастай хууль сахиулагч ир­сэн даруйдаа америк за­лууг байцааж гарчээ. “Та яа­гаад дүрэм зөрчиж олон ний­тийн амгалан тайван байд­лыг алдагдуулаад байна вэ” гэж ирээд л. Гэтэл харийн гий­чин “Би нутгаа санаад байна. Тэгээд эх орныг минь санагдуулж байгаа энэ өчүүхэн зүлгэн дээр хэсэг хэвтэх гэсэн юм” хэмээн нулимс мэлмэрүүлжээ. Энэ бол болсон явдал. Баяр­­лаж бахархууштай үйл явдал. Манай нийслэл хо­тод хөгжлийн оргил цэгт хүрчихсэн Америктай дүйж очихоор бага ч болов зүйл байдаг байх нь. Үүнд бид баярлах ёстой. Ер нь аливаа зүйл ховор байх тусмаа сай­хан байдаг. Хуучин цагт дэлгүү­рийн лангуун дээр хэдхэн бараа байдаг байсан ч энэ нь хүмүүст таалагддаг л байв. Гэтэл одоо тоолж барамгүй олон нэр төрлийн бүтээгдэхүүн ярайтал өрчих­сөн супермаркетууд руу орох­доо үнийг нь чамлаж, чанарыг нь муулж суух нь олон болчихож. Тэгэхээр нийслэл хот дахь ногоон зүлэг бүхий талбайг аль болох багасгаж, хүмүүст түүний үнэ цэнийг улам их мэдрүүлэх хэрэгтэй гэсэн үг. Яваандаа үүгээр дамжуулж, Улаанбаатарт бай­гаа гадны жуулчдад тусгай үйлчил­гээ үзүүлж болох юм. Ер нь энэ санааг эрх мэдэлтнүүд ч дэмжиж байгаа бололтой. Тэд шороо тоос бужигнасан талбай бүрийг цементэлж, замын хажуу­гаар тарьсан бут, сөөгийг услах ажлыг зориуд тасалдуулж байгаа сурагтай. Харин ард иргэд бид үүнийг нь дэмжиж, ойлгох л үлдсэн байна. Монголчууд уг нь хаа байсан Ю.Цэдэнбалын үеэс “Улаанбаатарыг цэцэрлэг­жүүл­­чих юмсан” гэж хичээ­дэг байсан гэдэг. Тэр үед хүмүү­сийг дайчилж, хүрз барин газар ухуулж, нялх шинэс суулгадаг байж. Харин өнөөдөр 1990 оноос өм­нөх социализмын үеийн бүтээг­дэхүүн болсон хэдэн мод л Улаанбаатарын гудамжийг чимэглэ­сээр хоцорчээ. Гэхдээ тэд чимэг төдий зүйл биш. Нийслэлчүүдийг өвөлжин угаар­туулдаг утааны хэмжээг буу­руу­лахад бага боловч хувь нэм­рээ оруулаад байгаа юм. Энэ нь утааны бизнесээс ашиг олох боломжийг хязгаарлах учир зарим хүн засмал зам та­вих нэрийдлээр өнөөх хэдэн мо­дыг огтолж хаясаар байна. Энэ эрчээрээ явбал гадныханд “Зү­лэг, модгүй нийслэл хот ямар байд­гийг хармаар байвал хүрээд ир” хэмээн уриалж Улаанбаатар хо­тыг сонирхох жуулчдын тоог нэмж ч болох юм. Бид бахархах, гайхуу­лах зүйл ихийг бүтээх хүмүүс шүү.

Эх сурвалж: "Улс төрийн тойм" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Naran 2012-02-20 202.170.80.17

odoo uldsen nogoon baiguulamjuudaa sergeeh umsan
Suhbaatriin talbain urdah tsetserlegiig er sergeehee bolison bna
.gazriig n hund ugsun gedeg n unen bololtoi
ymar saihan sad baivdaa
Ulaanbaatar zochid buudliin urdash ch gesen
baishin bariad baihgui boloh um bna daa
Ene talaar yridag bichdeg hun ch alga
temstdeg baiguullaga cvh alga

Avatar

Zochin 2012-02-20 166.249.144.11

Yg unen shuu.eh ornoo muulj bga um bish.Bid uneheer Umhii baidag ,yagaad? Bod doo

Avatar

USA 2012-02-20 166.249.144.11

USA bol uneheer saihan .sain muu nuh um bii ch amidarahad uneheer setgeld hurdeg gazar. Haana ch adil amidarch chadval goy shuu dee . Gevch USA bol tasarhai. Manai mongolosbhun irehedvneg heseg Umhii unerteed baudag shuu dee. Bur goy huuhnuudees hurtel … Yg l tiim baidag. Tegheer ymar baigaa ni oilgomjtou shuu dee.

Avatar

FUCK 2012-02-20 122.201.17.190

Fuck yumdaa muusain erh medeltnuud bailair sanaatai yumnuud bugd uhesei FUCK

Avatar

Хөөрхий монголчууд 2012-02-20 121.216.136.220

доор зөв бичжээ, сэтгүүлчид америкаас өөр улс мэдэх биш дээ зайлуулс

Avatar

Зочин 2012-02-20 121.57.229.254

Ха ха Амжилт хүсье. Гэхдээ нийслэл маань хөдөө шигээ ногоорно оо

Avatar

Зочин 2012-02-20 198.53.117.78

hooe USA hogjliin orgild hursen gej yugaa bicheed bna aa. Gemt hereg,yaduural,ajilguitel, yanhandalt,dampuuralaar duuren America orgil bishee.

NewsMN Гар утасны хувилбар Татах
NEWS.mn

Мэдээллийн эх сурвалж