Өнөөдрийн байдлаар 84 их дээд сургуулийн 136,637 суралцагчийн нэг сарын тэтгэлгийн мөнгө болох 9.6 тэрбум төгрөгийг сургуулиуд тарааж эхлээд байна. БСШУЯ-наас 63 дугаар тушаалаар ШУТИС-ийн оройн ангид суралцаж буй 5906 оюутанг өдрийн ангийн оюутнаар тооцох тушаал гаргаж, оюутнууд тэтгэлгийн мөнгө авах эрхтэй болсон. Энэ асуудлаас болж мөнгө тараах ажил сунжирсан билээ. Тус сургуулийн оюутнууд тэтгэлгээ өнөөдрөөс авч эхэллээ. Одоогийн байдлаар 14 мянган оюутан тэтгэлгээ аваад байна. Харин  найман мянга гаруй оюутан сургуулийн вэб сайтаараа дамжуулан карт захиалах хэрэгтэй ажээ.

ШУТИС нь Голомт, Улаанбаатар банктай хамтын ажиллагаатай бөгөөд оюутан бүрт  дээрхи хоёр банкны цахим картыг үнэ төлбөргүй нээж өгч байна.