Амин хувиа бодсон арчаагүй хэсэг нь хаа дайралдсан газартаа хогоо асгаж орчин тойрноо бохирдуулдаг.

Хэдхэн хоногийн өмнө Сүхбаатар дүүрэгт орших Сэлбэ голын сав газарт 80 орчим машин хог асгасныг иргэд эсэргүүцсэн талаар мэдээлж байсан. Тэгвэл дээрх хэсэгт асгасан хогийг өчигдөр 08:00 цагаас эхлэн Улаанчулуутын хогийн цэг рүү зөөвөрлөж эхэлсэн байна.

Сүхбаатар дүүргийн хог хаягдлын хэлтэс болон Улаанбаатар хотын Захирагчийн албаны Орчны бохирдол, хог хаягдлын менежментийн хэлтсийн ажилчид газар дээр нь очиж, нөхцөл байдалтай танилцаад хогийг Улаанчулуут руу яаралтай зөөхийг үүрэг болгосон юм.