Шударга өрсөлдөөн, хэрэг­лэг­­чийн төлөө газраас хийсэн мэдээгээр үгсэн хуйвалдсан гэх шатахуун импортлогчдод тавьсан торгууль 10 биш 20 болж өсчээ. Импортлогчдын өнгөрсөн жилийн ашгийг тооцож үзээд ийнхүү торгохоор болсон байна. Түүнчлэн тус газраас хиамны үйдвэрлэл эрхэлдэг аж ахуй нэгж болон үүрэн  телефон холбооны үйлчилгээ үзүүлдэг аж ахуй нэгжүүдэд хяналт шалгалт хийсэн бөгөөд энэхүү шалгалтын талаар мэдээлэв. Баяр наадмаар бор­луулалт нь эрс нэмэгддэг учраас хиам үйлдвэрлэдэг нэр бүхий 12 аж ахуй нэгжүүд “Хүнс комплекс” компани дээр цугларч үнэ өсгөх асуудлаар ярилцаж, үүнээс нэг хоно­гийн дараа бүтээгдэхүүнийхээ үнийг 1000-1300 төгрөгөөр нэм­сэ­нийг Шударга өрсөлдөөн, хэрэг­лэгчийн төлөө газраас буруутгалаа. Тус газрынхан үгсэн тохиролцож үнээ нэмсэн эдгээр аж ахуй нэгжүүдэд Өрсөлдөөний тухай хуулийн дагуу өнгөрсөн жилийн борлуулалтын нийт орлогын 0,5 хувьтай тэнцэх хэмжээний төг­рөгөөр торгох, уг зөрчлөө арилгаж хэвийн болгуулах талаар улсын байцаагчийн шаардах хуудсыг хүргүүлсэн аж. Олон нийтэд зарлах­гүйгээр нууцаар үгсэн тохиролцож үнээ нэмсэн энэ асуудал нь Өрсөл­дөөний тухай хуулийн 11.1.1 дэх заалтыг зөрчсөн байна. Мөн үүрэн холбооны үйлчилгээ үзүүлдэг компаниудын өнгөрсөн онд үзүүлсэн хямдрал урамшуулал нь шударга бодитой явагдсан эсэх, хэрэглэгчийг төөрөгдүүлэхгүйгээр төлбөр тооцоо үнэн зөв хийгддэг, хэрэглэгчээс авч байгаа нэг уудаагийн нэмэлт үйлчилгээний төлбөр, хураамжууд хуульд ний­цэж байгаа зэргийг шалгахад нэлээд олон зөрчил гарсан байна. Тухайлбал: “Юнител” корпорациаас явуул­сан таван азтан, таван байр сугалааны азтанууд одоо бол­тол байрандаа ороогүй байгаа, хямд­рал урамшууллын талаарх зар суртал­чилгаа бодитой олгогдох хямдра­луудаас зөрөөтэй хийгддэг, дараа төлбөрт хэрэглэгчдэд үзүүлж буй хямдрал урамшуулал нь ярианы төлбөр зөвхөн суурь хураамжаас илүү гарсан тохиолдолд буюу их хэрэглээ гарсан үед хийгддэг, хэрэглэгчид ашигласан хугацааны хөнгөлөлтийг ашигласан жилээс хамаарч олгодог гэх боловч түү­нийгээ бас ярьсан хэрэглээнээс хамаарч өгдөг нь уг урамшуулал агуулгатайгаа нийцэхгүй байгаа болон багц бууруулах гэрээгээ шилжүүлэх зэрэгт нэг удаагийн нэмэлт төлбөр гэж авч байгаа  зэрэг зөрчлүүд “Мобиком” корпораци, “Юнител” компаниас илэрчээ. Мөн “Мобиком”-ын дараа төлбөрт хэрэглэгчид багцад дагалдан ирэх ярианы хэмжээг минутаар тооцдог боловч ярьсан мэдээлэл төгрөгөөр ирдэг учраас хэрэглэгч хэрэглээгээ хянах боломж муу байдаг зэрэг Өрсөлдөөний хуулинд харшлах нэлээд олон зөрчил илэрсэн учраас “Мобиком” болон “Юнител” кор­па­рацуудад уг зөрчлөө энэ оны эхний улиралд багтаан арил­гах, тус бүр 10 сая төгрөгөөр торгохоор болсон байна. Уг мэдэгд­лийн үеэр сүүлийн үед нэлээд маргаан дэгдээгээд байгаа шата­хуун импортлогч компаниудад ногдуулаад байгаа торгуулийн талаар Шударга өрсөлдөөн хэрэг­лэг­чийн төлөө газрын Хууль хянал­тын зохицуулх газрын дарга У.Батсууриас тодруулсан юм.

-Нефть импортлогч ком­па­­ниудад  үгсэн хуйвалдаж үн­дэс­­­лэлгүйгээр шатахууны үнээ нэмсэн гэх шалтгаанаар 10 тэрбум төгрөгийн торгууль ногдуулсан ч одоо болтол ямар нэгэн арга хэмжээ авсан зүйл байхүй байгаа. Энэ асуудал юу болж байгаа вэ?

-Шударга өрсөлдөөн хэрэглэг­чийн төлөө газраас хийсэн шалгал­тын дүнд шатахуун импортлогч найман аж ахуй нэгжүүдэд  урьдчил­сан байдлаар 10 орчим тэрбум төгрөгийн торгууль ногдуусан. Энэ асуудал хүлээгдээд байсан шалтгаан нь  эдгээр компаниудын 2011 оны жилийн эцсийн тайланг гарахыг хүлээж байсан хэрэг л дээ. Эдгээр шатахуун импортлогч компа­ниудын өнгөрсөн оны орло­гын тайланг шалгаж үзээд шатахуун импортлогч компаниуд өмнө нь мэдэгдэж байснаасаа илүү ашигтай ажиллаж байгаа нь тогтоогдсон. Тийм учраас бидний өмнө нь тавьсан 10 тэрбум төгрөгийн торгууль өсч 20 орчим тэрбум төгрөг болж байгаа. Бид уг торгуулийн хуудсаа тодорхой газруудад нь өгөөд торгуулиа тавьчихсан байгаа. Бид хуулийнхаа дагуу л тохирох торгуулийг ногдуу­лаад байгаа. Үүнийг зарим хүмүүс хэтэрхий бага байна гээд байдаг. Бидний ажлын гол зорилго нь ком­панийг дампууруулах биш цаашид тийм алдаа дутагдал гаргахгүй байлгах үүднээс шийтгэх маягаар ажилладаг гэдгийг ойлгох хэрэгтэй.

-Торгууль ногдууллаа гэдэг ч эдгээр компаниуд төлдөггүй шүү дээ. Энэ удаагийн торгуулийг яг хэзээ авах вэ?

-Шаардах хуудсуудыг хүргүүл­сэн байгаа. Коипаниуд мэдээж шүүхээр шийдвэрлүүлэх нь ойл­гомж­той. Тэгхэээр шүүхийн шийд­­вэрээс л хамаарна.

-Шатахууны үнийг бууруулах талаар ямар ажил хийх вэ?

-Одоо бид зах зээл дээр үнэтэй зараг­даад байгаа шатахууны үнийг бууруулах арга хэмжээг авна. Хэрвээ шатахууныхаа үнийг бууруулахгүй бол үйл ажиллагаа явуулах тусгай зөвшөөрийг нь хүчингүй болгох саналыг тавих болно, бидэнд тийм эрх байгаа. Гэхдээ энэ их эрсдэлтэй шийдвэр. Яагаад гэвэл тусгай зөвшөөрлийг нь хүчингүй болголоо гэж бодоход цаана нь үлдэж байгаа бусад компаниуд үүнийг ашиглаж үнээ хөөрөгдөх магадлал бас байгаа. Ер нь сүүлийн үед ганцхан шата­хуун ч биш бусад салбарууд үгсэн тохиролцож байгаад үнээ нэмдэг жишиг тогтох гээд байна. Үүнийг болиулахын тулд манай байгууллага нэлээд сайн ажиллах шаардлага гараад байгаа гэв.