Увс аймгийн Улаангом хотын зүүн урд 1110 метр өндөртэй нэгэн уул бий. Түүхийн дурсгалт зүйл олонтой, тахилгатай энэ уулыг Чандмань уул гэх бөгөөд  нутгийн иргэд Улаан-Уул гэдэг гэнэ. Энэ ууланд байдаг хүрэл ба төмрийн үеийн 40 гаруй булшнаас 120 гаруй хүний араг яс олдож байсан тул ийнхүү нэрлэх болсон ажээ. Тэдгээр гавлын яснуудад мэс засал хийсний мөр болох цоорхойнууд байсан гэнэ. Мөн энэ уулын өвөрт гидрокарбонат сульфат, магний, кальцийн найрлагатай рашаан байдаг байна. Үүнийг нутгийнхан элэг, цөсний рашаан хэмээн хэрэглэж заншжээ. Манай улсын хэмжээнд Чандмань нэртэй 10 гаруй уул байдгийн нэг нь энэ бөгөөд үүнтэй холбоотой олон домог ч байдаг ажээ.