Билгийн тооллын XVII жарны “Баясгалан” хэмээх усан луу жилийн сар шинийн баярт зориулсан “Бөхийн баяр” цуврал барилдааны тов гарчээ. Баярын хүрээнд Монголын үндэсний бөхийн холбооноос өсвөрийн, нийтийн, сумын болон залуу бөхчүүдийн, аймаг, цэргийн цолтой бөхчүүдийн болон улс, аймгийн алдар цолтой бөхчүүдийн гэсэн таван барилдааныг зохион байгуулах юм.

Өсвөр бөхийн болон нийтийн монгол бөхийн шандастны барилдаан өнөөдөр 14.00 цагт эхлэх бөгөөд улс, аймгийн алдар цолтой 256 бөхийн барилдаан хоёрдугаар сарын 21-нд буюу битүүний өдөр Монгол бөхийн өргөөнд болох юм. Барилдааны тасалбарын үнэ 15 мянган төгрөг ажээ.

Цагаан сарын барилдааны хуваарийг толилуулж байна.

1. Өсвөр бөхийн барилдаан – Хоёрдугаар сарын 18-нд 14.00 цагт
Барилдаанд 1995.01.01-нээс хойш төрсөн хөвгүүд оролцоно. Үзэгчийн тасалбарын үнэ 1000 төгрөг.

2. Нийтийн монгол бөхийн шандастны барилдаан – Хоёрдугаар сарын 18-нд 14.00 цагт
Барилдаанд үндэсний бөхийн ямар нэг цолгүй, бөхийн спортоор тусгайлан хичээллэдэггүй эрчүүд оролцоно. Үзэгчийн тасалбарын үнэ 1000 төгрөг.

3. Сумын цолтон, залуу 512 бөхийн барилдаан – Хоёрдугаар сарын 19-нд 14.00 цагт
Тасалбарын үнэ 2000 төгрөг.

4. Аймаг, цэргийн цолтой 256 бөхийн барилдаан – Хоёрдугаар сарын 20-нд 14.00 цагт
Тасалбарын үнэ 3500 төгрөг.

5. Улс, аймгийн алдар цолтой 256 бөхийн барилдаан – Хоёрдугаар сарын 21-нд 14.00 цагт
Үзэгчийн тасалбарын үнэ 15000 төгрөг