Иргэд сар шинийн баярын бэлтгэлээ базааж буй энэ өдрүүдэд “Нарантуул” худалдааны төв амралтгүй ажиллаж байна. Баяр дөхсөн өдрүүдэд нийслэлийн төдийгүй хөдөө, орон нутгийн иргэдийн хөлд дарагддаг тус худалдааны төв өнгөрөгч даваа гаригаас эхлэн амралтгүй ажиллаж байгаа юм. Үүний дагуу битүүний өдөр ч энгийн хуваарийн дагуу ажиллаж, иргэдэд үйлчлэх ажээ. Харин шинийн нэгнээс эхлэн 14 хоногийн хугацаанд амраад гуравдугаар сарын 7-ноос ердийн цагийн хуваарийн дагуу ажиллах юм байна.

Түүнчлэн “Да хүрээ”, “Хүчит шонхор”, “Барс”, “Хархорин” зэрэг томоохон зах, худалдааны төвүүд ч мөн битүүний өдөр тодорхой цагийн хуваарийн дагуу ажиллах аж.