Өмнөговь аймгийн Номгон суманд гурван ихэр хүүхэд мэндэлжээ. Ихрүүдийн хоёр нь хүү, нэг нь охин бөгөөд 2400, 1900 ба 1700 грамм жинтэй төрсөн байна. Гурван ихрийн ээж д.Цогмөнх нь Номгон сумын Зэвсэгт хүчний 104 дүгээр тусгай салбарт ажилладаг 33 настай бүсгүй ба ийнхүү хоёр дахь төрөлтөөрөө гурван ихэр хүүхэдтэй болжээ. Д.Цогмөнхийн аав нь ихрийн удамтай аж.  Энэ нь Өмнөговь аймгийн хэмжээнд гурван ихэр мэндэлсэн гурав дахь тохиолдол гэнэ.

Эх, хүүхдүүдийг эмнэлгээс гарч ирэхэд нь Номгон сумын Засаг дарга У.Батсайхан, Зэвсэгт хүчний 104 дүгээр тусгай салбарын захирагч Э.Энхбаяр , эх баригч их эмч Д.Наранцэцэг нар баяр хүргэж, хүндэтгэн угтаж авчээ. Одоогийн байдлаар эх, ихрүүдийн биеийн байдал сайн байгаа гэнэ.