Хятадад асрамжийн газрын өнчин хүүхдүүдэд  цаашид  насан туршид нь хар толбо болох утгагүй нэр өгөхгүй байхаар болжээ. “China Daily” сонинд мэдээлснээр тус улсын Иргэний хэрэг эрхэлсэн яам өнчин хүүхдүүдийг “нам”, “төр” гэх мэтээр  овгийг хориглосон гэнэ. Аав ээжээсээ өнчирч хоцорсон хүүхдүүдэд асрамжийн газар цөөн хэдэн нэрээр овоглодог байснаас тэд насан туршдаа нэрнээсээ болж, бусдын доог тохуу болдог байжээ. Шинэ журмын дагуу хүүхдүүдэд утгагүй нэр өгөхийн оронд Хятадын гэр бүлийн хамгийн түгээмэл 100 гаруй нэрүүдээс өгөхөөр болжээ. 2010 онд Хенань мужийн хүүхэд асрах газрын бүх хүүхдэд “нам” хэмээх овог өгсөн аж.  Тиймээс аав ээждээ гологдсон тэдгээр хүүхдүүдийг төр тэжээж өсгөсөн гэдгийг нэр нь насан туршид нь харуулах ёстой гэнэ. Энэ онд л гэхэд асрамжийн газрын бараг бүх хүүхэд Зао нэр авчээ. Хятадын статистикийн газраас явуулсан судалгаагаар тус улсын 900 гаруй асрах газарт 100,000 гаруй өнчин хүүхэд байдаг гэнэ.