Монгол Улс, БНХАУ-ын хилийн албаны хэлэлцээрээр хоёр улсын уламжлалт
баярын өдрүүдэд хилийн зарим боомтын үйл ажиллагааг түр зогсоодог
билээ.

Тэгвэл хэлэлцээр ёсоор БНХАУ-тай хиллэдэг автозамын түр болон байнгын
ажиллагаатай 12 боомтыг энэ сарын 22, 23 буюу шинийн 1, 2-нд хаахаар
болжээ.

Эл өдрүүдэд ОХУ-тай хиллэдэг автозамын түр болон байнгын ажиллагаатай 10 боомтыг мөн түр хаахаар болсон байна.

Харин олон улсын боомт баярын өдрүүдэд хаадаггүй учраас Замын-Үүд-Эрээн,
Сүхбаатар-Наушки чиглэлд зорчих галт тэрэгнүүд зорчигч тээвэрлэх гэнэ.

Түүнчлэн энэ сарын 24-нийг албан ёсоор амралтын өдөр болгосон хэдий ч хилийн боомтуудын хэвийн ажиллагаатай байлгахаар болжээ.