“Хайртай бол хартай” гэдэг үгийг хүмүүс хэрэглэх нь элбэг. Тэгвэл хошин урлагийн ууган гавьяатууд болон олон алдартай жүжигчдийн хамтран бүтээсэн “Хайртай бол хартай” шинэ кино энэ сарын 20-нд кино театруудад зэрэг нээлтээ хийх гэж байна.  Тус киноны зохиолыг Д.Оюунсүрэн, Ц.Төмөрхуяг, Д.Даулетжан нар бичиж, продюсерээр Э.Энхжин, ерөнхий найруулагчаар Ц.Төмөрхуяг, зураглаачаар Б.Баясгалан, хөгжмийн зохиолчоор Ж.Энхбаяр нар ажиллажээ.

Тус киноны гол дүрүүдэд Соёлын тэргүүний ажилтан, жүжигчин Р.Алтансүх, Р.Өлзийхүү, Д.Төвшинтөр, Ш.Жавхлан нар тоглосон бөгөөд Гавьяат жүжигчин Б.Батзаяа, Ц.Цэнд-Аюуш, Б.Туяа, Б.Магсар, Л.Чаминчулуун, Ж.Оюундарь, Ц.Төмөрхуяг болон соёлын тэргүүний ажилтан, жүжигчин Д.Ганцэцэг, Ц,Ганзориг, Д.Дэлгэрсайхан, Д.Даулетжан, Р.Адъяа, Х.Даваажав нар тогложээ. Ийнхүү кино урлагт тэр дундаа инээдмийн киноны төрөлд нэгэн шинэ түүхийг бичиж үлдээхээр долоон гавъяат маань хамтран энэхүү кинонд тоглосон байна.