Энхтайваны өргөн чөлөөнд Чингүнжавын гудамжны уулзварын зүүн талаас Магсаржавын гудамжны уулзварын баруун тал хүртэлх буюу олны нэрлэж заншсан 25 дугаар эмийн сангийн уулзварын зүүн талаас Төмөр замын соёлын ордны уулзвар хүртэл автозамд өргөтгөл шинэчлэлтийн ажил хийхтэй холбогдуулан автозамын хөдөлгөөнийг тавдугаар сарын 21-ний өдөр хүртэл түр хугацаагаар зогсоох болсон. Энэ шийдвэртэй уялдуулан нийтийн тээврийн үйлчилгээний их багтаамжийн автобусны 17 чиглэлийн 220 орчим, бага багтаамжийн автобусны 11 чиглэлийн 110 орчим, нийт 28 чиглэлийн 320 орчим тээврийн хэрэгслийн хөдөлгөөнд өөрчлөлт орж байгаа ажээ. Үүнд:

1)    М:6 ”Өнөр хороолол-Хүнсний1-Халдвартын эмнэлэг“,

М:17 “Орбит-Тэнгис кинотеатр”,
М:22 “Нисэх-Сонсголон-Тэнгис кинотеатр”,
М:26 “5 шар-МУБИС”,
М:27” 5шар-Баянзүрхийн товчоо”,
М:35 ”Мах импекс-Тэнгис кинотеатр-Улаанхуаран”,
М:37 “Нарангийн гол-Бөмбөгөр-40 мянгат”,
тр:2 “Ханын материалын комбинат-Офицерүүдийн ордон” гэсэн чиглэлүүдийн
автобуснууд баруун, зүүн хоёр чиглэлдээ “10 дугаар хорооллын буудал”-аас 25 дугаар эмийн сангийн баруун талын уулзвараар хойш эргэж, Жалханз хутагт Дамдинбазарын /Модны хоёрын зам/ гудамжаар Амарсанаагийн гудамж хүрэн уруудаж, баруун дөрвөн замын уулзвар хүрч үндсэн чиглэлүүдээр явна.     

2)    М:4 ”Толгойт-Халдвартын эмнэлэг”,

М:5  ”Баянхошуу-МУБИС”,
М:12 “Ганхийц-ХМК-Зайсан”
М:23 “Зүүнсалаа-13-р хороолол”,
М:24 ”Их наран-Вокзал”,
М:32 “Саппоро-Чулуун овоо-Жанжинклуб”,
М:41 “Толгойт-Вокзал-Амгалан” гэсэн чиглэлүүдийн автобуснууд баруун, зүүн чиглэлдээ “10 дугаар хорооллын автобусны буудал”-аас  “Гермис” худалдааны төвийн хажуугаар Нарны зам, Вокзал хүрч, Магсаржавын гудамжны уулзвараар хойш эргэн ТБДАндууд дэлгүүрийн буудалд зогсон үндсэн чиглэлүүдээр явна.

3)    М:1 “Дөрөвдүгээр хороолол-Улаанхуаран” чиглэл нь зүүнээс ирэхдээ баруун дөрвөн замын уулзвараар Амарсанаагийн гудамж, Жалханз хутагт Дамдинбазарын гудамж / Модны хоёрын зам/-аар явж дөрөвдүгээр хорооллын буудал хүрч  Ард аюушийн /3,4 дүгээр хорооллын төв зам/ гудамжаар тойрон буцаж, Амарсанаагийн гудамж хүрч, үндсэн чиглэлээр явна.  

4)    М:47 “Дэнжийн 1000-Баруун хүрээ хороолол-Вокзал” чиглэл нь Дэнжийн 1000 -3, 4-р хороолол – гуравдугаар эмнэлэг- X хороолол – Нарны зам-Вокзал-ТБД Андууд- Эх нялхас – Дэнжийн 1000” гэсэн чиглэлээр явна.

5)    М:39 “ Ар согоот-Бөмбөгөр-Чингэс Соосэ ИС” чиглэл нь  Ар согоотоос ирэхдээ Баруун дөрвөн замын уулзвараас Амарсанаагийн гудамж, Жалханз хутагт Дамдинбазарын гудамж / Модны хоёрын зам/-аар явж 10 дугаар хороолол хүрч  үндсэн чиглэлээр явна.

6)    Троллейбусны “ХМК-Офицерүүдийн ордон” чиглэлийн хөдөлгөөн зогсож, автобус явах ба  “3,4 дүгээр хороолол- Офицерүүдийн ордон“ чиглэлийн троллейбус маршрутын дагуу явна.

7)    Бага багтаамжийн автобусны чиглэлүүдийн хөдөлгөөн Хасбаатарын гудамж, Нарны замаар явахаар болсон байна. Энэхүү шинэчилсэн чиглэл зам засвар дуустал үйлчлэх ажээ.

Д.Цээпил