БНХАУ-ын 15 уурхайчин Хэнань мужийн Лэяанг хотын уурхайд дарагдаж амиа алджээ.

Пүрэв гарагийн өглөө хятад ажилчдын цогцос олдсон талаар нутгийн телевиз дамжуулжээ. "Ассошейтэд Пресс" агентлагийн мэдээлснээр ажилчдын ар гэрийнхэн мужийн захиргаанд гомдол гаргаж, тэтгэлэг хүссэн байна.

Хятадад жил бүр уурхайн осолд 3-4 мянган иргэн ямар нэг байдлаар өртдөг аж. Хэнань муж нь уул, уурхай, газрын баялагт түшиглэсэн суурин бөгөөд нутгийн оршин суугчдын 60 хувь нь энэ төрлийн ажил эрхэлдэг байна.