Байгаль орчин аялал жуулчлалын сайдын өнгөрсөн сарын гуравны өдөр гаргасан тушаалаар Агнуурын зарим амьтныг агнах, барихыг хориглох, ан амьтны хууль бус ашиглалтад тавих хяналтыг чангатгах, үүний дагуу хууль бус агналтын улмаас тоо толгой нь өсөн нэмэгдэхгүй байгаа тарвага, үнэг, хярсыг Монгол улсын аль ч газар, ахуйн болон үйлдвэрлэлийн зориулалтаар агнахыг хоёр жилийн хугацаагаар хорьсон байна. Мөн хэт агналтаас шалтгаалан тоо толгой нь эрс цөөрсөн саарал чоныг Дорнод, Хэнтий, Сүхбаатар аймгийн зарим суманд хоёр жилийн хугацаагаар агнахыг хоригложээ.